நம்மள இங்க கண்டுக்கலாம் FacebookGoogle PlusRSS FeedEmail

RSS FeedSubscribe to My Feed! 

Beasts of the Southern Wild (2012)

folder

ஃபில்ம் ஸ்கூல்ல இருந்து அண்மையில்  வெளியேறிய ஒரு இயக்குனர், தொழில் ரீதியாக நடிகர்கள் இல்லாத.., அட.. இதுவரைக்கும் நாம் திரையில் கண்டிராத சாதாரண மக்களை நடிகர்களாகவும் Court 13ங்கற இன்டிபென்டன் ஃபில்ம் ஸ்டூடியோவின் உதவியோடும் எடுத்த முதலாவது படமே, 2013ம் ஆண்டு ஆஸ்கார் ரேஸில், சிறந்த திரைப்படங்களுக்கான செக்ஷனில் நாமினேஷன்ஸ்ல முன்னணி ஸ்டூடியோஸ், பிரபல நடிகர்கள் மற்றும் இயக்குனர்கள் சம்பந்தப்பட்ட Argo, Les Miserables, Silver Linings Playbook போன்ற படங்களோடு போட்டி போடுதுண்ணா கட்டாயம் படத்துல ஏதோ சம்திங் சம்திங்  இருந்தாகணுமே என்கின்ற எண்ணத்தோடு படத்தை பார்க்க ஆரம்பித்தேன்..

Beasts of the Southern Wild-fanart

ஒரு கதையா இதை விவரமா சொல்றது கொஞ்சம் கஷ்டமாத் தெரியுது. சரி… எனக்குப் புரிந்தவரைக்கும் கதை அப்படின்னு பார்த்தா.. த பாத்டப் (Bathtub) என்கின்ற ஒரு இடம்.. ஒரு அணை/சுவர் மூலமாக சமுதாயத்திலிருந்து பிரிக்கப்பட்டு இருக்கும்.. வெள்ளம் வந்தால் மொத்தமாக மூழ்கிவிடக்கூடிய ஏரியா. இங்கு தனது தந்தையுடனும், மற்றும் சில மக்களுடனும் ஒரு தனிப்பட்ட சமுதாயமாக வசித்துவரும் ஹஷ்பப்பி என்கின்ற ஒரு சிறுமியின் கண்ணோட்டத்திலேயே முழுப் படமும் நமக்கு நரேட் செய்யப்படுகிறது. அதிகமான குடிப்பழக்கமும், ஏதோ தீர்க்கமுடியாத நோய் (ப்ளட் கேன்சர்? எயிட்ஸ்?) இருந்தாலும் முடிந்தவரை அன்பாக கவனிக்க முற்படும் தந்தையான விங்க்.

இந்த நேரத்தில் ஒரு பெரிய புயலினாலும், ஆர்ட்டிக் பிரதேசம் உருகுவதாலும், நீர்மட்டம் உயர்ந்து பாத்டப் ஏரியா மிகவும் பாதிக்கப்படுகிறது. மேற்கொண்டு பல நூறு வருடங்களாக பனியில் உறைந்திருந்த இராட்சத பன்றி போன்ற மிருகங்கள் விடுபட்டு இவர்களின் ஏரியா பக்கம் ஓடிவர.. வெள்ளத்தில் மிச்சப்பட்ட சிலரும் ஹஷ்பப்பியும் எவ்வாறு தங்கள் வாழ்க்கையை மீட்டனர் என்பது தான் சுருக்கமான (எனக்கு புரிந்த) கதை. (சில நேரங்களில் கவித்துவமான பார்வையில் பார்ப்பவர்களுக்கு இன்னும் ஆழமாக கதை புரியலாம்)

thumb8

ஆனாலும் மேலே சொன்னது போல.. படம் ஆரம்பித்து கொஞ்ச நேரம் என்ன நடக்குது, என்ன சொல்ல வர்றாங்கண்ணே புரியாமல் தான் படத்தைப் பார்த்துக் கொண்டிருந்தேன். அப்புறம் கொஞ்சம் கொஞ்சமாக படத்திற்குள் மூழ்கிவிட்டேன்.. இந்தப் படம் சரியாக சொல்லமுடியாத ஒரு எக்ஸ்பீரியன்ஸ்.படத்துல  லாஜிக். மீனிங் எல்லாம் தேடப் போகாதீங்க. ஏமாற்றம் தான் மிஞ்சும். சும்மா எஞ்ஜாய் பண்ணி பாருங்க. பார்த்து முடித்ததும் ஏதோ ஒரு மாயஉலகிற்குள் போய்விட்டு வந்த ஒரு ஃபீலிங் தான் இருக்கும். சில இடங்கள் எனக்குப் ஏன்னு புரியவில்லை. யோசிச்சுப் பார்த்துட்டு லூஸ்ல விட்டுட்டேன். (அந்தப் பன்றிகள் வரும் காட்சிகள்? ஏதாவது குறியீடாக இருக்கணும்)

ஆனாலும் தொடர்ந்து நான் படத்தைப் பொறுமையாக பார்த்தற்கு முக்கிய காரணம் ஹஷ்பப்பியாக வரும் க்வென்ஸேன் வாலிஸ் (Quvenzhane Wallis). வாட் எ பர்ஃபாமென்ஸ்!! சான்ஸே இல்லை. வசனங்களால் ஸ்கோர் செய்வதை விட சில இடங்களில் சைலண்டாக கொடுக்கும் நடிப்பிலும் எக்ஸ்ப்ரஷன்ஸிலும் தான் அதிகமாக ஸ்கோர் செய்கிறாள். குறிப்பா சொன்னா, கடைசி க்ளைமேக்ஸ் காட்சியருகில் ஒரு இராட்சதப் பன்றி அவள் முன் நிற்பது போன்ற ஒரு காட்சி. அந்தப் பன்றி (சி.ஜி) உண்மையில் அவ்விடத்தில் இல்லையென்றாலும், அவள் கொடுக்கும் முகபாவம் நம்மை அவ்விடத்தில் உண்மையிலேயே ஒரு பன்றி நிற்கின்றதோ என நம்ப வைக்கும். அதே போல ஒரு இடத்தில் விங்க் அவளை அறைய கோவத்தில் மீண்டும் அடிக்கும் காட்சி.. என்று சொல்லிக் கொண்டே போகலாம். நிச்சயம் ஆஸ்கரில் சிறந்த நடிகைக்கான பரிந்துரைக்கு சரியான தெரிவு தான்.

thumb3

அடுத்ததாக பாராட்டப்பட வேண்டியது படத்தின் இயக்குனர் பென் ஸெய்ட்லின் (Benh Zeitlin). அனுபவமற்ற நடிகர்கள், 1.8 மில்லியன் என்ற சின்ன பட்ஜெட், இயற்கையான செட்கள் என்று வேறு யாருடைய (பேரரசு?) கையிலாவது இப்படி ஒரு படம் மாட்டியிருந்தால், இந்தளவு படத்தை எடுத்திருப்பார்களோ தெரியாது. அப்படி எடுத்திருந்தால் கடைசியாக எழுதிய Safety Not Guaranteed போல ஒரு சன்டான்ஸ் ஃபில்ம் பெஸ்டிவல் இன்டிபெண்டன்ட் படமாக மட்டும் அடங்கியிருக்கும். ஆனாலும் கிடைத்ததை வைத்துக் கொண்டு இந்தளவு பவர்ஃபுல்லான, ஒரு “தனித்துவமான” படத்தைக் கொடுத்தமைக்கே கையில் ஒரு பொக்கே கொடுக்கணும்.

படத்துல ஒரு சின்னக் குறைன்னு சொல்லணும்னா.. அந்த காமெரா தான். லோ பட்ஜெட் என்பதால் 16mm ஃபில்ம்ல ஷுட் பண்ணின பென் ரிச்சார்ட்ஸன், அந்தக் குறையை நிவர்த்தி பண்ண ரியலிஸ்டிக்கா ட்ரை பண்ணுவோம்னு கொஞ்சம் ஓவராவே ஷேக் பண்ணிட்டார் போலயிருக்கு. நிறைய இடங்களில் Shaky.. ஆனாலும் அதைத் தவிர்த்துப் பார்த்தால் ஒளிப்பதிவு அருமையாகவே இருக்கிறது.

Cannes Film Festival தொடங்கி Sundance Film Festival வரை பலதரப்பட்ட விருதுகளை குவித்துவிட்டு இப்போது 2013 ஆஸ்கரில் சிறந்த திரைப்படம், இயக்குனர், நடிகை மற்றும் திரைக்கதை பிரிவுகளில் போட்டியிடுகிறது. விருதுகள் கிடைத்தால், கடைசியில் ஹஷ்பப்பி சொல்வது போல, “…they gonna know: Once there was a Hushpuppy, and she lived with her daddy in The Bathtub.”

எனக்கு நல்லப் படமா தோணுது. எப்படியாவது ஆஸ்கருக்கு முன் பார்த்துவிடுங்க!!

It’s a unique experience. You’ll either love it or hate it!!

Beasts of the Southern Wild (2012) on IMDb

ட்ரெயிலர்

Safety Not Guaranteed (2012)

folder

வாழ்க்கையில் எல்லா மனிதர்களுக்கும் ஏதோ ஒரு இடத்தில் ஒரு ஏக்கம் வரும்.. குறிப்பிட்டு சிலவற்றை சொன்னா, காலத்தில் பின்னோக்கி சென்று வாழ்வின் இனிமையான தருணங்களை மீண்டும் வாழ்வது, வாழ்க்கையில் விட்ட பிழைகளை மீண்டும் சரிசெய்து கொள்வது, தவறவிட்ட “வாழ்க்கையின் முக்கிய நபர்களை” மீண்டும் பெற்றுக் கொள்வது… என்று ஆளைப் பொறுத்து விருப்பங்கள் மாறும். இதில் பார்த்தீங்கண்ணா, முக்கியமா லிஸ்டில் இருக்கும் பெரும்பான்மை தவறவிட்ட அல்லது விட்ட பிழைகளை திருத்துவதாகவே இருக்கும். இதுவரைக்கும் இப்படியெல்லாம் உங்களுக்கு தோன்றியிருக்கோ இல்லையோ, எனக்கு பலமுறை தோணியிருக்கு. என் லைஃப் ட்ராஜடிஸ் அப்படி!

இதுவரைக்கும் இந்த ஹாலிவுட்ல சிறுகதை, நாவல், நாடகம், காமிக்ஸ் என்று எல்லாவற்றிலும் பக்கம் டூ பக்கம் உருவி நமக்கு படமாக் கொடுத்தவங்க, இப்ப அது போதாதென்று டெலிவிஷன் நாடகங்கள், வீடீயோ கேம்ஸ் வரைக்கும் எல்லாவற்றையும் திரைமயமாக்கிட்டாங்க. ஆனால் ஒரு துண்டு விளம்பரத்தைக் கொண்டு எந்தப் படமும் உருவாக்கப்படவில்லை.. இதுவரைக்கும்.

1997ல் Backwoods Home Magazineங்கற ஒரு பத்திரிகையில வேலை செய்து கொண்டிருந்த ஜான் சில்வெய்ராங்கறவர், பத்திரிகையின் விளம்பரங்களுக்கு நடுவில் இடம் வேஸ்டா போய்விடக்கூடாதேன்னு ஒரு காமெடியா இப்படி ஒரு filler போட்டாராம். (படத்தில் டெரியஸும், ஆர்னோவும் விளம்பரத்தை எழுதியவரின் போஸ்ட் பாக்ஸை பார்த்துக்கொண்டிருக்கும்போது, முதலாவதாக ஒரு வயசுபோன தாத்தா வருவார். சேம் பர்ஸன்..)

அவர் சும்மா தமாஷுக்கு போட்டது அந்தக் காலத்தில் ஒரு மினி சென்சேஷனாகி, கடைசியில அதை வைத்து.. தோ.. 2012ல் இந்தப் படமும் ரெடியாகிடிச்சு.


thumb4

டெரியஸ் தன் இருபதுகளில், சியாட்டில் பத்திரிகையில் இன்டர்ன்ஷிப் செய்துகொண்டிருக்கும் ஒரு இளம் பொண்ணு. ஒரு நாள் பத்திரிகை மீட்டிங் ஒன்றில் எடிட்டர் ஜெஃப் என்பவன் மேலே கூறப்பட்ட இந்த வித்தியாசமான விளம்பரத்தைப் பற்றி ஆராய்ச்சி செய்து ஒரு கட்டுரை எழுதப்போவதாக கூற, மேலும் பேக்ரவுண்ட் தகவல்கள் சேகரிப்பதற்காக மூன்று பேர் கொண்ட டீம் புறப்படுகிறது...  அப்ரசட்டியான டெரியஸ் உட்பட.

அங்கு சென்று தகவல்கள் சேகரிக்க ஆரம்பிக்கும்போது, அந்த விளம்பரத்தின் பின்னணியிலுள்ள மனிதனின் பெயர் கென்னத் கலோவேய் என்று தெரியவருகிறது. முதலாவதாக அவனுடன் தொடர்பு ஏற்படுத்த விரும்பும் ஜெஃப்பின் முயற்சிகள் தோல்வியுறுகிறது. அதுமட்டுமன்றி, இந்தக் கட்டுரையைக் காரணம் காட்டி ஜெஃப் தன்னுடைய பழைய காதலியுடன் மீண்டும் தொடர்புகளை ஏற்படுத்திக் ஒரு சின்ன அஜால்-குஜால்  அனுபவத்திற்காகவே அங்கு வந்ததாகவும் தெரியவர, கட்டுரைக்கு தகவல் சேகரிக்கும் பொறுப்பு டெரியஸின் தலையில்... முதலில் சற்றுத் தயங்கிப் பழகும் கென்னத் டெரியஸின் குறும்புத்தனமான நக்கல் பேச்சு என்பன பிடித்துவிட அவளோடு இன்னும் ஒன்றிப் பழகுகிறான்.

டெரியஸ், கென்னத்தோடு பழகப் பழக அவனைப் பற்றி நிறைய அறிந்து கொள்கிறாள். அவன் ஒரு சாதாரண க்ளார்க் என்பதும், பெற்றோர்கள் இறந்தபிறகு காட்டிற்குள் ஒரு வீட்டில் தனியாக வசித்து வருகிறான் என்பதும் அவளுக்கு தெரியவருகிறது. ஒருநாள் பேச்சுவாக்கில் இறந்துபோன அவனுடைய பழையக் காதலியை மீண்டும் பெறுவதற்காகவே அவன் டைம் ட்ராவல் செய்யப் போவதாகவும், அவனது பிரயாணத்தை தடுப்பதற்கான கவர்ன்மெண்ட் சீக்ரெட் ஏஜெண்டுகளால் எந்நேரமும் தொடரப்படுவதாகவும் சந்தேகப்பட்டுக்கொள்கிறான் கென்னத்.

கதை நகர நகர, டெரியஸிற்கு கென்னத்தை தொடரும் இருவரும் அரசாங்க சீக்ரெட் ஏஜேண்ட்ஸ் கிடையாது என்பதும், கென்னத்தின் காதலி இறக்கவில்லை என்பதும் தெரியவர.. அவனின் மனநிலை மீது சந்தேகம் ஏற்படுகிறது (கூடவே நமக்கும்). கென்னத் மனநிலை குழம்பியவனா? அவர்களின் டைம் ட்ராவல் சாத்தியமாகியதா? ஜெஃபின் பழைய காதல் என்னவாயிற்று? என்பதெல்லாம் படத்தில்..


thumb8

பொதுவாகவே சயின்ஸ் ஃபிக்ஷன் சம்பந்தப்பட்ட கதை என்றால், பெரிய பட்ஜெட், நல்ல நடிகர்கள், விஷுவல் எஃபெக்ட்ஸ் என்று ப்ரொடியுசரின் வியர்வை சிந்தித் சம்பாதிக்கப்பட்ட மில்லியன்களை விழுங்கவென ஒரு லிஸ்ட் இருக்கும். அதெல்லாம் தேவையில்லை… எனக்கு சுவாரஸ்யமா ஒரு கதை இருந்தா மட்டும் போதும்னு சொல்லியிருக்கார் இயக்குனர் கொலின் ட்ரெவோ. சயின்ஸ் ஃபிக்ஷன் கதை போல மேலோட்டமாக பூசி மெழுகப்பட்டிருந்தாலும், படம் மெயினாக மனிதர்களின் உணர்வுகளோடு தான் டீல் செய்கிறது. என்ன… எனக்கு கடைசி க்ளாமேக்ஸ் சீன் மட்டும் கொஞ்சம் மனதோடு ஒட்டாத மாதிரி இருந்தது. கொஞ்சம் வேற ஆங்கிள்ல ட்ரை பண்ணியிருந்தால், இன்னும் அருமையான படமாக வந்திருக்கும்.

நிச்சயம் படத்தோட மிகப்பெரிய பலமே மெயின் கதாபாத்திரங்களாக வரும் டெரியஸ் மற்றும் கென்னத்தின் நடிப்பு தான். டெரியஸாக Parks & Recreation புகழ் ஓப்ரே ப்ளாசா மற்றும் கென்னத்தாக மார்க் டுப்ளாஸ். இரண்டு பேருடைய நடிப்பும் அபாரம்! இருவருக்கிடையில் மெதுவாக காதல் மலர்கின்ற சின்ன சின்னத் தருணங்கள் எல்லாம் ரசிக்கணும்.

ஹாலிவுட்டில் ஒவ்வொரு வருஷமும் வெளியாகும்  நூற்றுக்கணக்கான படங்களில் முக்கால்வாசி இன்டிபென்டன்ட் ரிலீஸஸ் என்பதால் வைட் ரிலீஸாகி நல்ல ரீச் கிடைப்பது குதிரைக் கொம்புதான். இதுவும் அப்படி அதிகம் கவனிக்கப்படாமல் தவறவிடப்பட்ட அருமையான படம் ஒன்று.

டெரக் கொனலியின் 86 நிமிட திரைக்கதையும், நம்மை அப்படியே படத்தோடு கட்டிப்போட்டுவிடுகிறது. படம் முழுவதும் கென்னத் மனநிலை குழம்பியவனா இல்லையா என்று நம் மனதோடு மனுஷன் விளையாடிப் பார்க்கிறார். நாமும் டெரியஸின் அந்த குழம்பிய மனநிலையுடனேயே படத்தோடு பிரயாணிப்பது இன்னொரு பலம்.

டெக்னிக்கலி பெரிசா எதுவும் ஸ்கோர் செய்யாவிட்டாலும், சுவாரஸ்யமான கதைக்கருவும் அருமையான நடிப்பும், ஒன்றரை மணிநேரம் உங்களை சுவாரஸ்யமாக ஒன்றவைக்கும் என்பதற்கு மீ க்யாரண்டி! யாராவது ஒன்றிரண்டு பேர் இதைப்படிச்சிட்டு பார்த்தீங்கண்ணா எப்படி இருந்திச்சுண்ணு வந்து சொல்லுங்க.

Safety Not Guaranteed (2012) on IMDb

 

ட்ரெயிலர்

Best of Hollywood - 2012

best-movies-2012

ப்ளாக் ஆரம்பிச்சு ஒரு வருஷம் தாண்டிடுச்சு. இன்னும் உருப்படியா, கழுத்தறுக்காம ஒரு போஸ்ட் எழுதியிருக்கிறேனான்னு தெரியல. அதிலும் இதுவரைக்கும் மொத்த பதிவுகளே 56 தான். நான் மாசம் 4 பதிவு தாண்டுவதற்குள்ள நாட்டுல விலைவாசி நாப்பது மடங்கு தாவுது. என்ன செய்ய??? சரி, தனித்தனியா பதிவெழுதி அறுக்கமுடியாட்டிலும், 2012ல் வெளியாகி நான் பார்த்த படங்களில் பெஸ்ட்டுன்னு நினைக்கிற படங்களையெல்லாம் இந்த போஸ்ட்டுல சொல்லிடுவமேண்ணு...

முதல்ல.. கண்டிப்பா, இது என்னோட சாய்ஸ் மட்டுமே. உங்களுக்கு பிடிக்கும்..பிடிக்கணும்னு எல்லாம் கட்டாயம், நிச்சயம் இல்லை. முதல்ல டாப்-10 கவுண்ட்டௌன் போடுவோம்னு தோணிச்சு. அப்புறம், ஏன் வம்புன்னு பிடிச்ச படங்களையே எழுதிடறேன். உங்களால முடிஞ்சா, உங்களுக்கு பிடிச்ச ஓடர்ல கமெண்ட் பண்ணிட்டுப் போங்க. மேலும், இவை எல்லாம் நான் பார்த்திருக்கும் படங்கள் மட்டுமே. அப்படியே நான் தவறவிட்ட படங்கள் எதாவது இருந்தா சொல்லிடுங்க. பார்த்துடறேன்.

(படத்தின் தலைப்புகளில் விரிவான விமர்சனத்திற்கு லிங்க் கொடுக்கப்பட்டிருக்கிறது)


The Dark Knight Rises

folderடிம் பர்டன் காலத்தில், காமெடியன் ரேஞ்சுக்கு அவதிப்பட்ட பேட்மேன் எனும் சூப்பர்ஹீரோவை, தூசு தட்டி மீண்டும் உயிர்கொடுத்த கிறிஸ்டோபர் நோலனின் பேட்மேன் சீரீஸில் மூன்றாவது படம். என்னைப் பொறுத்தவரையில் இந்த வருஷம் ரொம்ப எதிர்ப்பார்த்திருந்த படம்னா இதுதான்! இரண்டாவது படமான டார்க் நைட் வந்து சக்கைப் போடு போட்டுவிட்டு “ஓட”, அந்தப் படம் வைத்த பாரை தாண்டியாகணுமேன்னு நோலனுக்கு  பி.பீ எகிறிச்சோ என்னமோ, அதில் காட்டிய வித்தை இதில் நிச்சயமாக கொஞ்சம் மிஸ்ஸிங்! ஆனாலும் நிச்சயம் டாப் லிஸ்டில் வரவேண்டிய படம் தான்.

ஆனாலும் $250 மில்லியனைக் கொட்டி படமெடுத்தாலும், ஆனாலும் முதல் நாள் ஸ்க்ரீனிங்கில் நடந்த துப்பாக்கிச்சூடு தியேட்டர் பக்கம் வர்றவங்களை கொஞ்சம் பயமுறுத்தினாலும், த டார்க் நைட் கொடுத்த நம்பிக்கையில் ஆளாளுக்கு தியேட்டர்ல வந்து கொட்டின காசை வைத்து $1000 மில்லியனுக்கு மேல புரட்டிட்டாங்க! இந்த வருஷத்தோட இரண்டாவது அதிகம் வசூலை அள்ளிய படமும் இது தான்.


The Avengers

folderஒரு மாதிரி 2008ல் Iron Man தொடங்கி, 2011ல் Thor, Captain America வரைக்கும் பிட்டு பிட்டா போட்டு கடைசியில மே மாசம் ரிலீஸ் பண்ணிட்டாங்க. பீட்டர் ஜாக்ஸனின் WETA Digital உட்பட 14 கம்பெனிகளின் விஷுவல் எஃபெக்ட்ஸ் புண்ணியத்திலும், சூப்பர்ஹீரோக்களின் காமெடி கலந்த அட்டகாசமான திரைக்கதையும் எல்லாருக்கும் பிடித்துவிட, வருடத்தின் மிகப்பெரிய ப்ளாக்-பஸ்டர் ஹிட் இதுதான்.

சும்மாவே மார்வல் தனி சூப்பர்ஹீரோ படம்னா கலெக்ஷன் அள்ளும்! அது போதாதுன்னு எல்லாரையும் ஒண்ணா கூட்டு சேர்த்து விட்டா சொல்லவா வேணும்?  இதுவரைக்கும் மொத்தம் $1500 மில்லியனுக்கு கல்லா கட்டிடுச்சு. இதுவரைக்கும் அதிகம் வசூல் பண்ணிய படங்களில் அவதார், டைட்டானிக்கிற்கு பிறகு இது தான். இனி அடுத்ததா, கூட்டணி 2015 படத்திற்கு கூட்டு சேருதாம். முதலாம் பாகத்தில் மார்வலால் கைவிடப்பட்ட ஸ்பைடர்மேனை கூட்டு சேர்த்துக்கலாம்னு பார்த்தா, தற்போது ஸ்பைடர்மேன் படமெடுக்கும் உரிமையை சோனி தன் கைவசம் வைத்திருப்பதால், சோனியும் மார்வலும் கைகுலுக்கி ஒரு முடிவுக்கு வந்தால் மட்டுமே ஸ்பைடர்மேன் அவெஞ்சர்ஸ் 2ல் வலையைப் பின்னுவார் என எதிர்ப்பார்க்கலாம்!


Chronicle

folderஇந்த வருஷத்தோட ஒரிஜினல் சூப்பர்ஹீரோ கதை என்றால் இது தான்! வழக்கமா சூப்பர் பவர்ஸ் கிடைச்சதும் ஊரைக் காப்பாத்துறேன். ஏரியா தாதாவை உதைக்கிறேன்னு வழக்கமான ஹாலிவுட் பார்முலாவை உடைத்தெறிந்து, “ஆஹா.. மறுபடியும் வழக்கமான சூப்பர்ஹீரோ படம் தானான்னு நாங்க யோசிச்சிட்டு இருக்கும்போதே, அட.. நீங்க பார்க்கிறது ஒரு சூப்பர்வில்லனோட ஆரம்பம்”னு புதுசா ஒரு கதையைக் கொண்டு வந்தது தான் படத்தின் வெற்றிக்கு காரணம்.

வழக்கம்போல ஒருபடம் வந்தா, முட்டையத் தூக்கி ஸ்க்ரீன்ல வீசுற வரைக்கும் சீக்வல்ஸ் தர்றது ஹாலிவுட் பழக்கமாச்சே? அதே போல இந்தப் படத்திற்கும் ஒண்ணு ரெடியாகுதாம். ஆனா படத்தோட ஸ்க்ரிப்ட் ஃபாக்ஸுக்கு இன்னும் பிடிக்காததால், இன்னும் அதைப்பற்றி பேச்சைக் காணோம்!

என் விமர்சனம்இங்கே க்ளிக்கிப் படிங்க!


Looper

folderவருஷத்தோட பெஸ்ட் சயின்ஸ் ஃபிக்ஷன் படம். 12 Monkeys படத்திற்குப் (முதலில் கொஞ்சம் விளங்காதது மாதிரி இருந்தாலும்) பிறகு ரசித்துப் சிறந்த டைம் ட்ராவல் படம்னா இது தான்! வழக்கமான ஒன்லைனர் தான். எதிர்காலத்தில் இருந்து தப்பித்து வரும் ஒருத்தன் நிகழ்காலத்தை சரிசெய்ய முயல்கிறான். அதாவது இங்கே திருத்தினால், அங்கே திருந்தும் என்ற வழமையான கதைக்கரு தான். (எனக்கு இவ்ளோ தான் புரிஞ்சுது. ஹாலிவுட்பாலா படத்தைவிட மோசமா லெக்சர் கொடுத்து தலையை சுத்த வச்சிருப்பார். மேலே தலைப்பில் க்ளிக்கிப் படிங்க) எதுக்கும் கொஞ்சம் முடியை வளர்த்துட்டே படத்தைப் பார்க்க தொடங்குங்க. பிச்சிக்க வசதியா இருக்கும்!

$30 மில்லியன் பட்ஜெட்டில் எடுத்த படம். மொத்த வசூல் இதுவரைக்கும் $160 மில்லியன்.

 


Moonrise Kingdom

folderஇந்த வருடம் இதுவரைக்கும் பார்த்த படங்களில் என்னோட பர்சனல் பேவரைட் இது தான்.. வெஸ் அன்டர்ஸனிடம் இருந்து இன்னுமொரு தனித்துவமான மாஸ்டர் பீஸ்! எட்வர்ட் நோர்டன், ப்ரூஸ் வில்லிஸ் போன்ற பெரிய தலைகளை வைத்திருந்தும் அனைவரையும் ஓரங்கட்டி விட்டு, படம் பார்ப்பவர்களை குழந்தையாக மாற்றி குழந்தைகளின் உலகை அவர்களின் மனப்போக்கிலேயே காட்டக்கூடிய திறமை இருக்குண்ணா, அது அன்டர்ஸனுக்கு மட்டுமே உண்டு. கட்டாயம் ஆஸ்கார் நாமினேஷன் இருக்கும். கிடைத்தால் மகிழ்ச்சி தான்!

 

 

 

 


Safety Not Guaranteed

folderஒவ்வொரு வருஷமும் ஹாலிவுட்டில் ரிலீஸிற்கு நல்ல ஸ்டூடியோ கிடைக்காமல், லிமிடட் இன்டிபெண்டன்ட் ரிலீஸாக வந்து, வந்ததும் தெரியாமல் போனதும் தெரியாமல் பெட்டிக்குள் அடங்கிவிடும் நல்ல படங்கள் அநேகம். அப்படி ஒரு படம் தான் இந்த Safety Not Guaranteed. டைம் ட்ராவல் சம்பந்தப்பட்ட படம்போலத் தோன்றினாலும் படம் முக்கியமா ரொமான்ஸ் பக்கம் தான் அதிகம் சாய்ந்திருக்கு. சீக்கிரம் இதைப் பற்றி ஒரு மொக்கையை எழுதிப் போடுறேன்.

 

 

 

 


 

Cabin in the Woods

folder2010லயே வந்திருக்க வேண்டிய படம். முதல்ல... இயக்குனர் ஜொஸ் வீட்டன் எதிர்த்தும் 3Dல தான் வெளியிடணும்னும்.., அப்புறம் கையில துட்டு இல்லைன்னும் எம்.ஜி.எம் சிவப்புக் கொடி காட்டிக் கொண்டிடேயிருக்க.., பெட்டிக்குள்ளயே ரெண்டு வருஷம் அடங்கியிருந்து கடைசில இந்த வருஷம் தான் ரிலீஸாச்சு. ஒவ்வொரு முறையும் ஒரே கதையை தூசு தட்டி தட்டி, எக்ஸ்ட்ராவா “பாடியையும்” (எல்லா மீனிங்கும் உள்ளடங்க) ரத்தத்தையும் மட்டும் காட்டிய ஹாரர் படங்களில் வித்தியாசமான ஒரு முயற்சி. வழக்கமாக ஹாரர் படங்களின் ஒரே ட்ராக்கில் பயணம் செய்து பழகிய மனம், படம் போகும் போக்கைப் பார்த்துவிட்டு ரைட்டு.. அடுத்த காட்சி இப்படித் தான் இருக்கும் என்று யோசிச்சுக் கொண்டிருக்கும்போது அப்படியே கதை யூ டர்ன் அடிச்சு வேற ஒரு ட்விஸ்ட் இருக்கும். படம் முழுக்க இந்த மாதிரி நம்மகூட மைண்ட் கேம்ஸ் விளையாடிப் பார்த்திருப்பாங்க. இதே போல நல்ல கதை கிடைத்தால், பார்ட் 2ஐ எதிர்ப்பார்க்கலாம்னு இயக்குனர் அறிக்கை விட்டிருக்கார்.

 

என் விமர்சனம்இங்கே க்ளிக்கிப் படிங்க!


Skyfall

daniel-craig-new-skyfall-postersஉளவாளி என்ற வசனம் காதுக்குள் சென்றதுமே, மூளையில் “ஜேம்ஸ்பாண்ட்” என்ற வசனம் பளிச்சிடும் அளவிற்கு புகழ்பெற்ற கரெக்டர், ஹாலிவுட் திரைக்குள் வந்து 50 ஆண்டுகள் நிறைவுறுவதைக் கொண்டாடுவதுடன் வெளியான படம். அதான் அங்கிளுக்கு 50 வயசாச்சே? இன்னும் நாட்டைக் காப்பாற்ற உடம்புல தெம்பிருக்குமான்னு (ஃபிகருங்களை கரெக்ட் பண்றதையும் சேர்த்து தான்) எல்லாருக்கும் சந்தேகம் வரும் நேரத்தில் இன்னும் இருக்கு என்று சொல்லிக்கொண்டு களமிறங்கியிருக்கார் ஸாம் மெண்டஸ். இதுவரைக்கும் வந்த பாண்ட் படங்களில் காட்டப்பட்ட ஸ்டீரியோடைப் பாண்ட் கதாபாத்திரத்தை உடைத்து விட்டு மீண்டும் புதிதாக ஒரு ஆரம்பம். இதுவரைக்கும் வந்ததிலேயே இதுதான் பெஸ்ட்டுன்னும் பேசிக்கிறாங்க. மீ டூ ஸே.. நௌ தி இஸ் ஹௌ எ ரீபூட் ஷுட் பீ!

பிரிட்டனில் Avengers, Dark Knight Rises எல்லாத்தையும் பின்தள்ளிவிட்டு, 2012 ஆண்டின் பாக்ஸ் ஆபிஸ் ஹிட்டானது இதுதான். (அவனுங்க டேஸ்டே தனி!) பிரிட்டன் $158 மில்லியனும், இதில் அமெரிக்கா $224 மில்லியனைக் அள்ளிக் கொடுக்க, மொத்தம் 952 மில்லியன் வசூல் பண்ணிட்டாங்க. வாழ்க ஜேம்ஸ்பாண்ட்!


The Raid: Redemption

folderசத்தமில்லாமல் யூ.எஸ்க்குள் புகுந்து ஒரு கலக்கு கலக்கிய இந்தோனேஷியத் தயாரிப்பு. பார்த்த எல்லாரும் ஆஹா ஓஹோன்னு புகழ்ந்த படம். மேலே சொன்ன படங்களோடு ஒப்பிட்டா (Safety Not Guaranteed தவிர்த்து) ரொம்ப சுமாரான வசூல் தான். ஆனா மார்ஷியல் ஆர்ட்ஸ் ஆக்ஷன்னா இப்படித் தான் இருக்கணும்னு சொல்லிக் காட்டிட்டு போய்ட்டாங்க. ஆக்ஷன் படங்கள் பிடிக்கும்னா தவறாம எடுத்துப் பார்த்துவிடுங்க.

என் விமர்சனம்இங்கே க்ளிக்கிப் படிங்க!

 

 

 

 

 


Dredd 3D

DreddBurningFinalStancePosterfull4மேலே சொன்ன Raid Redemption போலவே சேம் கதை. அதில் வில்லன் ஆண்.. இதில் பெண், அது 30 மாடி, இது 200 மாடி.. அது மார்ஷியல் ஆர்ட்ஸ், இது ஹை-டெக் ஷுடிங். இப்படி கொஞ்சம் டிங்கரிங் செய்யப்பட்ட வித்தியாசங்கள் மட்டுமே. ஆனாலும் செம ஸ்டைலிஷ் மேக்கிங்! குறிப்பா அந்த 3D காட்சிகள், அதில் வரும் ஸ்லோ-மோ காட்சிகள் எல்லாம் தியேட்டரில் மட்டுமே அனுபவிக்க முடியும். வரவர மனுஷங்க அஹிம்சாவாதிகளா மாறிட்டு வர்றாங்களோ என்னமோ தெரியல.. படம் பாக்ஸ் ஆபிஸ்ல தோல்வி!

 

 

 

 

 


மற்றபடி ரசித்துப் பார்த்த படங்களில் ஞாபகமிருக்கும்.. குறிப்பிட்டு சொல்லும்படியான படங்கள்னா..

  1. The Hunger Games
  2. 21 Jump Street
  3. Brave
  4. Expendables 2
  5. Premium Rush
  6. American Pie – Reunion
  7. God Bless America
  8. Killer Joe
  9. Step Up Revolution
  10. ParaNorman
  11. The Amazing Spider-Man
  12. The Dictator

இன்னும் Argo, Life of Pie, Django Unchained என்று நிறைய நல்ல படங்கள் கேள்விப்பட்டும், ஹார்ட் டிஸ்கில் வைத்துக் கொண்டிருந்தாலும்... ப்ளாக் பக்கம் வரவே டைமில்லாத போது படம் பார்க்க டைம் லேது?? அவற்றை பார்த்தபின் நெக்ஸ்ட்டு இயர் எழுத ட்ரை பண்றேன்.

என்ன தான் இருந்தாலும் தமிழை மறக்கமுடியுமா? So.. எனக்குப் பிடிச்ச படங்கள் சில. (நோ ஓடர். பார்த்த மொத்தப் தமிழ்ப் படங்களில் 70 சதவீதம் இதுக்குள்ள அடங்கும்)

  1. பீட்ஸா
  2. நடுவுல கொஞ்சம் பக்கத்தக் காணோம்
  3. சுந்தரபாண்டியன்
  4. இங்க்லிஷ் விங்க்லிஷ்
  5. ஒரு கல் ஒரு கண்ணாடி
  6. துப்பாக்கி
  7. நான்
  8. நான் ஈ
  9. அட்டக்கத்தி
  10. வழக்கு எண் 18/9
  11. ஆரோகணம்
  12. தடையறத் தாக்க

சில எக்ஸாம்ஸ், வேலை பிஸி என்று வாழ்க்கை ரொம்ப பரபரப்பா போய்ட்டிருக்கு. கொஞ்சம் டைம் கிடைக்கும்போது படம் பார்த்துக்கிறது மட்டும் தான். ப்ளாக்கர் பக்கம் வந்தா, திரும்ப ஜகா வாங்கிக்க மனசு வராதுங்கறதால எல்லாம் முடிஞ்சதுக்கப்புறம் என்ட்ரியாகிக் கொள்ளுவமேன்னு இருக்கேன். எப்படியும் ஜனவரி கடைசி வரைக்கும் கொஞ்சம் கஷ்டம் தான்! அதுவரைக்கும் சந்தோஷமா இருங்கோ!!

 

ஆங்…. Happy New Year 2013!!!!

இந்த வருஷமும் நல்ல நல்ல படங்களா பாருங்க.. சந்தோஷமா இருங்க!

ஹாலிவுட்ரசிகன்

The Raid: Redemption (2011)

folder

கொஞ்ச நாளாகவே நம்ம நட்பு வட்டாரத்தின் பேச்சுக்களில் மிகவும் அடிபட்ட படம் இது. பார்த்தவங்களும் ஆளாளுக்கு பில்டப்பை கொடுத்து ஹைப்பை ஏற்றிவிட்டு இருந்தாங்க. பொதுவா நமக்கு இந்த “கிழக்காசிய திரைப்படங்கள்” அலர்ஜிக் என்பதால் டச் பண்ணாமலே வைத்திருந்தேன். கடைசில “இன்னுமாடா பார்க்கல”ன்னு கேவலமா திட்டு வாங்கி, சே..இவன்கிட்ட எல்லாம் பேச்சு வாங்கவேண்டியதாப் போச்சேன்னு ஒரு ரோஷத்துல படத்தை எடுத்துப் பார்த்தா…

thumb4

ரொம்ப நாளாச்சு இந்த மாதிரி பரபர படம் ஒன்று பார்த்து… எங்கேயும் யோசிக்க விடல. அட…கண்ணிமைக்கக் கூட நேரமில்லை. அவ்வளவு வேகம், பரபரப்பு!! அவனவன் கொடுத்த பில்டப்புக்கு ஒரு குறையும் இல்லாத அளவுக்கு ஆக்ஷன், ஆக்ஷன், ஆக்ஷன் மட்டும் தான்! இந்த வருஷத்தில் நான் பார்த்த பெஸ்ட் ஆக்ஷன்-வயலன்ஸ் மூவி இதுன்னு கண்ணை மூடிட்டு சொல்லலாம்.. கடைசியா எழுதின Expendables 2 நெருங்கிக் கூட வரமுடியாது போங்க..!

மிக மிக சிம்பிளான கதை. அதாவது படத்தோட டைட்டில் தான் கதையே. ரெய்ட்!! ஏதோ ஒரு நாட்டில், ஏதோ ஒரு ஊரில் உள்ள ஏதோ ஒரு அபார்ட்மெண்டை அந்த ஊரிலுள்ள எல்லா முக்கிய ரவுடிஸும், அவர்களின் தலைவனும் ஹெட் குவார்ட்டர்ஸா பயன்படுத்துறாங்க. அவங்க கட்டுப்பாட்டில் சில குடும்பங்களும் குடியிருக்கு. இந்தக் கும்பலை கைது பண்ணுவதற்காக ஒரு போலீஸ் யுனிட் அந்தக் கோட்டைக்குள் சத்தமில்லாமல் ரெயிட் போகுது. அவர்களின் என்ட்ரி அந்த கேங்குக்கு தெரியவர என்ன நடந்தது என்பது தான் மீதிக் கதை.

எளிமையான கதையை கொண்ட கதைக் களம், கரெக்டர் டெவலப்மென்ட்டுக்கெல்லாம் மிகவும் மெனக்கெட வைக்காமல், அதிக நேரத்தை ஆக்ஷன் சீக்வன்ஸுக்கு செலவளிக்க வைத்திருக்கிறது. இதுவொரு முக்கிய ப்ளஸ் பாயிண்ட். முதலில் மெதுவாக நகர ஆரம்பிக்கும் படம், ஒரு 15 நிமிடங்களின் பின் ரவுடிக் கும்பலுக்கு இவர்கள் வந்திருக்கும் தகவல் தெரியவந்த பின் தான் சூடு பிடிக்கிறது…அதன் பின் படம் முடியும் வரை நான்-ஸ்டாப் ஆக்ஷன் தான்.

ஆரம்பத்தில் ஏதோ Call of Dutyய படமாக பார்க்கிற மாதிரி வெறும் துப்பாக்கி மழை. துப்பாக்கில புல்லட் தீர்ந்துபோன பிறகு தான் படம் மார்ஷியல் ஆர்ட்ஸ் பக்கம் திரும்புகிறது. இதில் புதுசா பென்காக் சிலாட் என்றொரு இந்தோனேஷியன் ஃபைடிங் ஸ்டைல் தான் பாவிச்சிருக்காங்கலாம். ஆக்ஷன் விரும்பிகள் தவறவிடக்கூடாத.., படத்தின் அழகாக கொரியோக்ராஃபி செய்யப்பட்ட மொமெண்ட்ஸ் இதன் பின் தான் இருக்கின்றது. மிஸ் பண்ணிடாதீங்க!

thumb5

அதிலும் கடைசி ஃபைட்டிங் Super Awesome!! எனக்கு படத்தில் பிடித்த கரெக்டர்ஸ் ஒன்று ஹீரோ..மற்றது அந்த Mad Dog கரெக்டர். அதிலும் இந்த Mad Dog தன்னோட சின்ன உருவத்தை வைத்துக் கொண்டு க்ளைமேக்ஸ்ல போடுற ஆட்டம் இருக்கே?? யப்பா! தமிழ்ல கடுகு சிறிசானாலும்னு (மீதி மறந்துபோச்சு) ஏதோ பழமொழி இருக்கே?..உண்மை தான்! சாம்பிள் பார்க்கவேண்டிவங்க இந்த வீடியோவ பார்த்துக்கோங்க..

படத்தோட காமெரா பற்றியும் சொல்லியேத் தீரணும். வழக்கம்போல ஒரே இடத்தில் இல்லாமல், ஷுடிங் காட்சிகளிலும் சரி, ஃபைடிங் காட்சிகளிலும் சரி … காமெரா சுற்றி சுற்றி படமெடுக்குது. சில இடங்களில் ஃபைட்டிங் கொரியோக்ராபிக்கு ஏற்றாற்போல காமெராவும் அசைவது, துப்பாக்கிச் சூடுகளின் போது shaking-mode, நடிகர்களுடன் சேர்ந்து காமெராவும் நகர்வது எல்லாம் அருமை!

இதுவொரு இந்தோனேஷியத் தயாரிப்புங்கறதால வழக்கம்போல யாருக்கும் தெரியாமல், சத்தமின்றி டொரன்டோ திரைப்பட விழாவில் வெளியிடப்பட்டு, பின் பார்த்தவங்க எல்லாரும் “ஆகா ஓகோ”ன்னு புகழ் பாட, உடனே நம்ம சோனி பிக்சர்ஸ் அமெரிக்க விநியோக உரிமையை வாங்கி வச்சிட்டாங்க. அப்புறம் வைட் ரிலீஸ் பண்ணியதும், 4 மில்லியன் Smile வசூலில் எடுத்ததும் பாக்ஸ் ஆபிஸ் வரலாறு! நமக்கு அது தேவையில்லாத சப்ஜெக்ட்..

நான் சொல்ல வர்றதெல்லாம் ஒண்ணே ஒண்ணு தான்.. ஆக்ஷன் விரும்பிகள் மிஸ் பண்ணாம பார்க்கவேண்டிய படம்! ஆனா, எல்லாருக்கும் படம் பிடிக்குமோ தெரியாது. கதை, கதாபாத்திரங்கள்னு ஆராய்ச்சி பண்ணாம ஒரு பரபரன்னு ஒரு என்டர்டெயினர் வேணும்னா கண்ணை மூடிட்டு (படம் பார்க்கும்போது மறக்காம தொறந்துடுங்க…மொக்கை…மொக்கை) எடுத்துப் பாருங்க. (வழக்கமா எல்லாப் படத்துக்கும் சொல்றது தான்.. இது கொஞ்சம் ஸ்பெஷல் ரெகமெண்டேஷன் Smile)

The Raid: Redemption (2011) on IMDb

ட்ரெயிலர்

எக்ஸ்ட்ரா பிட்டு

போன சனிக்கிழமை தான் தியேட்டர்ல (சவோய்) Dredd 3D ரிலீஸ் பண்ணியிருந்தாங்க.. கதை, வில்லன்னு இரண்டு படத்துக்கும் ஏகப்பட்ட ஒற்றுமைகள்! ஆனா என்ன.. Dreddல் வெறும் துப்பாக்கி, கிரனேட் மட்டுமே.. அதனாலோ என்னமோ எனக்கு அதை விட The Raid கொஞ்சம் இன்ட்ரஸ்டிங்கா இருந்தா மாதிரி ஒரு ஃபீலிங்.. படத்தில் Mad Dog சொல்வது போல “pulling the trigger is like ordering takeout. The real satisfaction in killing someone for him is found in a duel to the death with only the human body for a weapon.”  ஆனாலும் 3Dயில் Dreddஐ பார்ப்பது நிச்சயம் ஒரு சூப்பர்ப் அனுபவமாக இருக்கும்! அந்த ஸ்லோ மோஷன் காட்சிகள் எல்லாம் 3Dயில் பார்க்கும்போது.. வாவ்!!! முடிஞ்சா தியேட்டர்ல பார்த்துக்கோங்க.. Smile